မြန်မာနိုင်ငံကွန်ပျူတာပညာရှင်အသင်း၏ အသင်းဝင်လိုသူများ လျှောက်ထားခြင်း၊ အသင်းဝင်များ သက်တမ်းတိုး ခြင်း၊ Event များအတွက် အသင်းဝင်များအား ဖိတ်ကြားခြင်း၊ အသင်းဝင်ကြေး၊ နှစ်စဉ်ကြေးများကို Online Payment ဖြင့် ပေးဆောင်ခြင်း အစရှိသည့် လုပ်ဆောင်ချက်များ ပါဝင်သော MCPA Member Mobile App. ရေးသားဆောင်ရွက်ခြင်းများ ဆောင်ရွက်မည့် Binary Lab Co.,Ltd.နှင့် မြန်မာနိုင်ငံကွန်ပျူတာပညာရှင်အသင်းတို့ သဘောတူညီမှုစာချုပ်ချုပ်ဆိုခြင်းနှင့် Kick off အခမ်းအနားကို ၂၀၁၉ ခုနှစ်၊ ဒီဇင်ဘာလ (၁၁.၁၂.၂၀၁၉) ဗုဒ္ဓဟူးနေ့ နံနက် (၁၀) နာရီတွင် အစည်းအဝေးခန်း၊ အဆောင် (၉)၊ မြေညီထပ်၊ MICT Park ၌ ကျင်းပပြုလုပ်ခဲ့ပါသည်။
အဆိုပါအခမ်းအနားသို့ မြန်မာနိုင်ငံကွန်ပျူတာပညာရှင်အသင်း၏ ဥက္ကဋ္ဌ ဦးထွန်းခိုင်၊ ဒုတိယဥက္ကဋ္ဌ ဦးမင်းဦး၊ အတွင်းရေးမှူး ဦးဇော်ဝင်းထွန်း၊ တွဲဖက်အတွင်းရေးမှူး (၁) ဦးအောင်စိုးမိုးနှင့် အသင်းသားရေးရာ ကော်မတီဥက္ကဋ္ဌ ဦးဇော်မိုးထွန်းတို့ တက်ရောက်ခဲ့ပြီး Binary Lab Co..Ltd မှ တာဝန်ရှိသူများ တက်ရောက်ခဲ့ကြ ပါသည်။