အမျိုးသားမဟာဗျူဟာစီမံကိန်း စတင်ဆောင်ရွက်ခြင်းအခမ်းအနားသို့တက်ရောက်ခဲ့ခြင်း

Title: 
အမျိုးသားမဟာဗျူဟာစီမံကိန်း စတင်ဆောင်ရွက်ခြင်းအခမ်းအနားသို့တက်ရောက်ခဲ့ခြင်း

၂၀၁၇ ခုနှစ်၊ ဖေဖော်ဝါရီလ (၂၃)ရက်တွင် ပညာရေးဝန်ကြီးဌာနကြီးမှူး၍ နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်း ဗဟိုဌာန(၂) ၌ကျင်းပခဲ့သည့် အမျိုးသားမဟာဗျူဟာစီမံကိန်း ၂၀၁၆ - ၂၀၂၁ စတင်ဆောင်ရွက်ခြင်း အခမ်းအနားသို့ မြန်မာနိုင်ငံ ကွန်ပျူတာပညာရှင်အသင်းမှ ဥက္ကဌ ဦးသောင်းစုငြိမ်းနှင့် ဒုတိယဥက္ကဌ (၁) ဦးထွန်းခိုင် တို့တက်ရောက်ခဲ့ကြပါသည်။

အဆိုပါ အခမ်းအနားသို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် သမ္မတကတော် ဒေါ်စုစုလွင်နှင့် အတူ လွှတ်တော်ဥက္ကဌများ၊ ပြည်ထောင်စုဝန်ကြီးများ၊ လွှတ်တော်ကိုယ်စားလှယ်များ၊ ပြည်နယ်တိုင်းဒေသကြီးများမှ သက်ဆိုင်ရာဝန်ကြီးများ၊ ဖွံ့ဖြိုးရေးမိတ်ဖက်အဖွဲ့အစည်းများ၊ သံတမန်များ၊ ပညာရေးဝန်ကြီးဌာနမှ တာဝန်ရှိသူများ၊ ကျောင်းသား၊ကျောင်းသူများ တက်ရောက်ခဲ့ကြပါသည်။

Photos: 

ဧရာဝတီတိုင်းဒေသကြီးကွန်ပျူတာပညာရှင်အသင်းမှ ကြီးမှူး၍နည်းပညာတက္ကသိုလ်(မအူပင်) တွင် MCPA Day အခမ်းအနားပြုလုပ်ခဲ့ခြင်း

Title: 
ဧရာဝတီတိုင်းဒေသကြီးကွန်ပျူတာပညာရှင်အသင်းမှ ကြီးမှူး၍နည်းပညာတက္ကသိုလ်(မအူပင်) တွင် MCPA Day အခမ်းအနားပြုလုပ်ခဲ့ခြင်း

ဧရာဝတီတိုင်းဒေသကြီးကွန်ပျူတာပညာရှင်အသင်းနှင့်ကွန်ပျူတာတက္ကသိုလ်(မအူပင်) တို့ ပူးပေါင်းစီစဉ်သည့် MCPA Day အခမ်းအနားကို ၂၀၁၇ခုနှစ်၊ ဖေဖော်ဝါရီလ (၂၃) ရက် ကြာသပတေးနေ့တွင် ကွန်ပျူတာတက္ကသိုလ်(မအူပင်) တွင်ပြုလုပ်ခဲ့ရာ မြန်မာနိုင်ငံကွန်ပျူတာ ပညာရှင်အသင်း တွဲဖက်အတွင်းရေးမှူ ဉီးဇော်ဝင်းထွန်းမှNetworking ခေါင်းစဉ်ဖြင့် လည်းကောင်း၊ မန္တလေးတိုင်းဒေသကြီး ကွန်ပျူတာပညာရှင်အသင်း
အတွင်းရေးမှူး ဦးအောင်ကျော်စိုးမှ Opensource ခေါင်းစဉ်ဖြင့်လည်းကောင်း
ဆွေးနွေးဟောပြောခဲ့ကြပါသည်။

အဆိုပါ အခမ်းအနားသို့ ကွန်ပျူတာတက္ကသိုလ်(မအူပင်)မှ ပါမောက္ခချုပ်နှင့် တာဝန်ရှိဆရာ၊ ဆရာမများ၊ ကျောင်းသား/ကျောင်းသူများ၊ဧရာဝတီတိုင်းဒေသကြီးကွန်ပျူတာပညာရှင် အသင်းမှ ဥက္ကဋ္ဌနှင့် အလုပ်အမှုဆောင်များတက်ရောက်ခဲ့ကြပါသည်။

Photos: 

ထိုင်းနိုင်ငံသို့ Inventory Management by Computer Software နည်းပြ သင်တန်းတက်ရောက်ရန်ကိစ္စ။

Title: 
ထိုင်းနိုင်ငံသို့ Inventory Management by Computer Software နည်းပြ သင်တန်းတက်ရောက်ရန်ကိစ္စ။

ထိုင်းနိုင်ငံသို့ Inventory Management by Computer Software နည်းပြ သင်တန်းတက်ရောက်ရန်ဖိတ်ခေါ်ခြင်း

၁။        အလုပ်သမားညွှန်ကြားရေးဉီးစီးဌာန၊ ကျွမ်းကျင်မှုဖွံ့ဖြိုးတိုးတက်ရေးဌာနခွဲနှင့် ထိုင်းနိုင်ငံအလုပ်သမားဝန်ကြီးဌာန၊ ကျွမ်းကျင်မှုဖွံ့ဖြိုးတိုးတက်ရေးဌာန နှင့် ပူးပေါင်း၍ မြန်မာနိုင်ငံ လုပ်သားများကျွမ်းကျင်မှု “စံ” သတ်မှတ်ပြဌာန်းရေးအဖွဲ့တို့ပူးပေါင်း၍ ဝန်ကြီးဌာန များ ပုဂ္ဂလိက သင်တန်းကျောင်းများရှိ သက်မွေးပညာသင်တန်းကျောင်းများတွင် သင်ကြား နေ သော နည်းပြဆရာ များ၏ အရည်အသွေးပိုမိုမြင့်မားလာစေရေးနှင့် နိုင်ငံအဆင့်ကျွမ်းကျင်မှု အသိအမှတ်ပြုလက်မှတ် အတွက် Competency Standard နှင့် Training Curriculum များ ရေးဆွဲနိုင်ရေးတို့အတွက် ထိုင်းနိုင်ငံသို့ နည်းပြသင်တန်းသားများ စေလွှတ်လေ့ကျင့်ပေးလျက် ရှိပါသည်။

၂။        သို့ဖြစ်ပါ၍ ထိုင်းနိုင်ငံတွင် ၂၀၁၇ခုနှစ်၊ မတ်လ(၂၁) ရက်မှ (၂၃) ရက်အထိ ဖွင့်လှစ်မည့် Inventory Management by Computer Software နည်းပြသင်တန်းသို့ ရန်ကုန်တိုင်းဒေသကြီး ကွန်ပျူတာပညာရှင်အသင်း မှ သင်တန်းသား(၁) ဉီး တက်ရောက်ရမည်ဖြစ်ပါသည်။

၃။        ထိုသင်တန်းသို့ သွားရောက်လိုသည့် လေယာဉ်လက်မှတ်၊ ဗီဇာ၊ နေထိုင်စားသောက် စရိတ်များကို Department အထိ Skill Development ဘက်မှ ကျခံပေးမည် ဖြစ်ပါသည်။

၄။        လျှောက်ထားလိုသည့် အသင်းသူ/အသင်းသားအနေဖြင့် Active Member ဖြစ်ရမည်။ အထူးသဖြင့် Inventory Management နှင့်သက်ဆိုင်သည့်Software Industry တွင် လုပ်ကိုင်နေသူ ဖြစ်ရမည်။ နိုင်ငံကူးလက်မှတ် အနည်းဆုံး (၆) လ သက်တမ်းရှိရမည်။ အကယ်၍ အရွေးခံရမည့်သူသည် နိုင်ငံကူးလက်မှတ်မရှိပါက မိမိအစီအစဉ်ဖြင့် အချိန်မီလျှောက်ထား ပေးရမည်။

၅။        (၁ − ၃ − ၂၀၁၇) ဗုဒ္ဓဟူးနေ့ နောက်ဆုံးထားပြီး ရန်ကုန်တိုင်းဒေသကြီးကွန်ပျူတာ ပညာရှင်အသင်း၊ ရုံးခန်း အဆောင်(၉)၊ မြေညီထပ် သို့ လာရောက် စာရင်းပေးသွင်း ရမည် ဖြစ်ပါသည်။ သင်တန်းတက်ရောက်ရန် လျှောက်ထားလိုသူများအား အင်တာဗျူး ပြုလုပ်မည့် ရက်ကို ဆက်သွယ်အကြောင်းကြား ပေးမည် ဖြစ်ပါသည်။ အသေးစိတ်သိရှိလိုပါက အသင်းရုံး ဖုန်းနံပါတ် − ၀၁ − ၆၅၂၂၇၆ သို့ ဆက်သွယ်စုံစမ်း မေးမြန်းနိုင်ပါသည်။

ရန်ကုန်တိုင်းဒေသကြီးကွန်ပျူတာပညာရှင်အသင်း

မြန်မာနိုင်ငံကွန်ပျူတာပညာရှင်အသင်း၏ (၁/၂၀၁၇) ကြိမ်မြောက် စုံညီလပတ် အစည်းအဝေးကျင်းပပြုလုပ်ခဲ့ခြင်း

Title: 
မြန်မာနိုင်ငံကွန်ပျူတာပညာရှင်အသင်း၏ (၁/၂၀၁၇) ကြိမ်မြောက် စုံညီလပတ် အစည်းအဝေးကျင်းပပြုလုပ်ခဲ့ခြင်း

မြန်မာနိုင်ငံကွန်ပျူတာပညာရှင်အသင်း၏ (၁/၂၀၁၇) ကြိမ်မြောက် စုံညီလပတ် အစည်းအဝေး ကို ၂၀၁၇ခုနှစ်၊ ဖေဖော်ဝါရီလ(၁) ရက်၊ ဗုဒ္ဓဟူးနေ့ နေ့လယ် (၁း၀၀) နာရီတွင် အခန်း(၂၀၅)၊ ပင်မဆောင်၊ MICT Park ၌ ကျင်းပပြုလုပ်ခဲ့ရာ မြန်မာနိုင်ငံကွန်ပျူတာပညာရှင်အသင်း နာယက ဦးသိန်းဦးမှ အဖွင့်အမှာစကားပြောကြားပြီး မြန်မာနိုင်ငံကွန်ပျူတာပညာရှင်အသင်းဥက္ကဋ္ဌ ဦးသောင်းစုငြိမ်း၊ ဒုတိယဥက္ကဋ္ဌ(၁) ဦးထွန်းခိုင်၊ ဒုတိယဥက္ကဋ္ဌ (၂) ဦးငြိမ်းဦး၊ အတွင်းရေးမှူး ဦးမင်းဦးနှင့် အလုပ်အမှုဆောင်များ၊ ပြည်နယ်တိုင်းဒေသကြီးအသင်းများမှ အလုပ်အမှုဆောင်များ စုံညီစွာ တက်ရောက်ခဲ့ကြပြီး MCPA အသင်း၏ ရှေ့ဆက်ဆောင်ရွက်မည့်လုပ်ငန်းစဉ်များကို ဆွေးနွေးညှိနှိုင်းပြီး အစည်းအဝေးကို အောင်မြင်စွာပြုလုပ်ခဲ့ပါသည်။

 

Photos: 

မြန်မာနိုင်ငံကွန်ပျူတာပညာရှင်အသင်း၏ (၂၀၁၇ − ၂၀၁၉) ခုနှစ်၊ အလုပ်အမှုဆောင် အဖွဲ့ ရာထူးတာဝန်လွှဲပြောင်းခြင်းအခမ်းအနားပြုလုပ်ခဲ့ခြင်း

Title: 
မြန်မာနိုင်ငံကွန်ပျူတာပညာရှင်အသင်း၏ (၂၀၁၇ − ၂၀၁၉) ခုနှစ်၊ အလုပ်အမှုဆောင် အဖွဲ့ ရာထူးတာဝန်လွှဲပြောင်းခြင်းအခမ်းအနားပြုလုပ်ခဲ့ခြင်း

             မြန်မာနိုင်ငံကွန်ပျူတာပညာရှင်အသင်း၏ (၂၀၁၇ − ၂၀၁၉) ခုနှစ်၊ အလုပ်အမှုဆောင် အဖွဲ့ ရာထူးတာဝန်လွှဲပြောင်းခြင်းအခမ်းအနားကို ၂၀၁၇ခုနှစ်၊ ဖေဖော်ဝါရီလ (၂) ရက်၊ ဗုဒ္ဓဟူးနေ့ နံနက် (၁၀း၀၀) နာရီတွင် အခန်း(၂၀၅)၊ Main Building, MICT Park ၌ ကျင်းပပြုလုပ် ခဲ့ရာ အခမ်းအနားတွင် မြန်မာနိုင်ငံကွန်ပျူတာပညာရှင်အသင်းနာယက ဦးသိန်းဦး၊ မြန်မာနိုင်ငံကွန်ပျူတာအသင်းချုပ် ဥက္ကဋ္ဌ ဦးခွန်ဦးမှ အဖွင့်အမှာစကားပြောကြားပေးခဲ့ပြီး ယခင်ဥက္ကဋ္ဌ ဦးရဲရင့်ဝင်းမှ ၂၀၁၄−၂၀၁၆ ခုနှစ် သက်တမ်းဆောင်ရွက်ချက်များကို အနှစ်ချုပ်သုံးသပ် တင်ပြခြင်း၊ ဘဏ္ဍာရေးမှူး ဦးဘိုဘိုလွင်မှ ငွေစာရင်းရှင်းတမ်းဖတ်ကြားခြင်းများဆောင်ရွက်ခဲ့ပါသည်။  ဆက်လက်ပြီးအခမ်းအနားအစီအစဉ်အတိုင်း ၂၀၁၄−၂၀၁၆ ခုနှစ်သက်တမ်းအမှုဆောင်အဖွဲ့ နှုတ်ထွက်ခြင်း နှင့် ၂၀၁၇−၂၀၁၉ ခုနှစ်သက်တမ်း ရွေးချယ်တင်မြှောက်ခံ ရသည့် အမှုဆောင်အဖွဲ့အမည် စာရင်း ကြေငြာခြင်း၊ ၂၀၁၇−၂၀၁၉ခုနှစ်အလုပ်အမှုဆောင်အဖွဲ့အား ရာထူးတာဝန် လွှဲပြောင်းခြင်းတို့ကို ပြုလုပ်၍ ၂၀၁၇−၂၀၁၉ခုနှစ် သက်တမ်းအတွက် မြန်မာနိုင်ငံကွန်ပျူတာ ပညာရှင် အသင်း ဥက္ကဋ္ဌ ဦးသောင်းစုငြိမ်းက အဖွဲ့သစ်၏ ရှေ့ဆက်ဆောင်ရွက်သွားမည့်လုပ်ငန်းစဉ်များ တင်ပြခြင်းများကို ဆက်လက်ဆောင်ရွက်ပြီး အမှတ်တရဓါတ်ပုံရိုက်ကူး၍ အခမ်းအနားကို အောင်မြင်စွာ ပြုလုပ်ခဲ့ပါသည်။

Photos: